Education In Pakistan

Papers, Notes, Books & Help For Students

UPDATED EDUCATIONAL NEWS INTERVIEW HELP FOR ALL JOBS ONLINE BOOKS SCHOLARSHIPS AVAILABLE INTERNSHIP JOBS

Day: February 1, 2016

پنجاب میں آج سے تمام اسکول کھل جائیں گے

پنجاب میں آج سے تمام اسکول کھل جائیں گے

edu news

مطالبات تسلیم ہونے کے بعد آل پاکستان پرائیویٹ اسکولز فیڈریشن نے پنجاب بھر میں آج سے اسکول کھولنے کا اعلان کر دیا تاہم کئی بڑے اسکول سسٹمز نے یکم فروری کو اسکول کھولنے سے انکار کر دیا ہے۔
پنجاب میں اسکولوں کی بندش اور اب کھولنے کے معاملات پر مذاکرا ت اوریقین دہانیوں کے بعد بالآخر حکومت نے نوٹیفکیشن جاری کر دیا ہے۔ جس میں پرائیویٹ اسکول مالکان کے تحفظات کو دور کر کے انکے مطالبات کو تسلیم کر لیا گیا ہے۔ درج مقدمات میں کوئی کارروائی نہیں ہو گی اور ڈسٹرکٹ کمیٹی کیس ٹو کیس جائزہ لیکر انکو ختم کرے گی۔ اداروں کے تقدس کو برقرار رکھا جائے گا۔ حکومت کے نوٹیفکیشن کے بعد پرائیویٹ اسکولز کے ادیب جاودانی اور کاشف مرزا گروپس نے یکم فروری کو اسکول کھولنے کا اعلان کر دیا ہے تاہم بیکن ہاؤس، سٹی سکول، ایل جی ایس، لاکاس، لرننگ الائس اور دوسرے بارہ بڑے اسکول سسٹمز نے یکم فروری کو اسکول کھولنے سے انکار کرتے ہوئے والدین کو اسکولوں کی بندش کے ایس ایم ایس بھجوا دئیے ہیں۔ ترجمان طبریز بخاری کا کہنا ہے کہ سینئر منیجمنٹ حکومتی نوٹیفکیشن کا جائزہ لیکر آئندہ لائحہ عمل طے کرے گی جبکہ پنجاب کے وزیر تعلیم رانا مشہود کا کہنا تھا کہ اسکول مالکان کے تحفظات دور کر دئیے ہیں اور اب یکم فروری کو تمام سکول کھلیں گے۔ حکومت پنجاب نے چھبیس جنوری کو اکتیس جنوری تک کے لئے رات گئے فیصلہ کر کے اسکول بند کر دئیے تھے جس کے بعد حکومت اور پرائیویٹ اسکولز میں سکیورٹی معاملات پر تنازعات پیدا ہوئے تھے۔

حکومت پنجاب پرائیویٹ ایجوکیشن کمیشن کے قیام کا بل لے آئی

حکومت پنجاب پرائیویٹ ایجوکیشن کمیشن کے قیام کا بل لے آئی

حکومت پنجاب نجی تعلیمی اداروں کے بارے میں پرائیویٹ ایجوکیشن کمیشن کے قیام کا بل لے آئی، وزیر تعلیم بل کل پنجاب اسمبلی میں پیش کریں گے، پرائیویٹ ایجوکیشن نجی تعلیمی اداروں کی مانیٹرنگ کرے گا۔
لا نجی تعلیمی اداروں کے بارے میں حکومت پنجاب نے ایک اور قانون کو حتمی شکل دیدی ہے اور اس ضمن میں بل تیار کر کے پنجاب اسمبلی میں پیش کرنے کے لئے ایجنڈے پر رکھ لیا گیا ہے۔ وزیر تعلیم رانا مشہود پیر کے روز بل پنجاب اسمبلی میں پیش کریں گے۔ بل کے تحت پرائیویٹ ایجوکیشن کمیشن بنے گا۔ یہ کمیشن نجی تعلیمی اداروں کو مانیٹر کرے گا۔ کمیشن میں سترہ ممبر ہوں گے۔ اس کمیشن کا ضلعی سطح پر نیٹ ورک قائم کیا جائے گا۔ کمیشن نجی اسکولوں کا فیس اسٹرکچر دیکھے گا اور فیسوں اور کیٹیگری کے مطابق اسکولوں کی تعلیمی سہولیات کا بھی جائزہ لے گا۔ کمیشن کے حوالے سے قانون سازی میں نجی تعلیمی اداروں کو اس بات کا بھی پابند بنایا جا رہا ہے کہ وہ دس فیصد مستحق بچوں کو مفت تعلیم دیں۔

Education In Pakistan © 2016