سندھ کے تعلیمی اداروں میں موسم سرما کی تعطیلات میں توسیع

سندھ کے تعلیمی اداروں میں موسم سرما کی تعطیلات میں توسیع

سندھ کے تعلیمی اداروں میں موسم سرما کی تعطیلات میں گیارہ دن کی توسیع کا نوٹفیکشن جاری کر دیا گیا جبکہ پنجاب سمیت وفاقی تعلیمی ادارے اب بارہ جنوری کو کھلیں گے۔

ایڈیشنل چیف سیکریٹری تعلیم نے سندھ بھر کے تعلیمی اداروں میں موسم سرما کی تعطیلات میں 11جنوری تک توسیع کی سمری وزیرتعلیم کو بھیجی تھی۔ وزیر تعلیم کی منظوری کے بعد موسم سرما کی تعطیلات میں گیارہ دن اضافے کا نوٹیفکیشن جاری کر دیا گیا ہے۔ اس سے قبل محکمہ تعلیم نے 22 دسمبر سے 31 دسمبر تک تعلیمی اداروں میں موسم سرما کی تعطیلات کا علان کیا تھا۔ چیف سیکریٹری تعلیم نے سیکورٹی خدشات کے پیش نظر تعطیلات میں اضافے کی سمری بھیجی تھی۔ دوسری طرف موسم سرما کی تعطیلات میں گیارہ جنوری 2015 تک توسیع کے بعد پنجاب سمیت وفاقی تعلیمی ادارے اب 12جنوری کو کھلیں گے جس کا نوٹیفکیشن جاری کر دیا گیا ہے۔ اس قبل وفاقی تعلیمی ادارے یکم جنوری کو کھلنا تھے۔

محکمہ تعلیم کا وفاقی دارلحکومت کے تعلیمی اداروں میں موسم سرما کی تعطیلات میں توسیع کا اعلان

محکمہ تعلیم کا وفاقی دارلحکومت کے تعلیمی اداروں میں موسم سرما کی تعطیلات میں توسیع کا اعلان

محکمہ تعلیم نے وفاقی دارلحکومت کے تعلیم اداروں میں موسم سرما کی تعطیلات میں 13جنوری 2015تک توسیع کر دی ہے ۔تفصیلات کے مطابق تعطیلات میں توسیع سیکیورٹی خدشات اور سردی کی شدت کے باعث کی گئی ہیں جس کے تحت اسلا م آبادکے تعلیمی ادارے اب 13جنوری 2015کو دوبارہ کھولے جائیں گے ۔
واضح رہے کہ اس سے پہلے بھی سیکیورٹی خدشات کو پیش نظر وفاقی دارلحکومت کے تعلیمی اداروں میں موسم سرما کی کی چھٹیوں میں توسیع کی گئی تھی جس کے مطابق تعلیمی ادارے 2جنوری کو کھلنے تھے لیکن حساس اداروں کی انتباہ کے بعد محکمہ تعلیم نے چھٹیوں میں مزید توسیع کا اعلان کر دیاہے جس کے تحت اب تعلیمی ادارے 13جنوری کو دوبارہ کھولے جائیں گے۔