Education In Pakistan

Papers, Notes, Books & Help For Students

UPDATED EDUCATIONAL NEWS INTERVIEW HELP FOR ALL JOBS ONLINE BOOKS SCHOLARSHIPS AVAILABLE INTERNSHIP JOBS

ونڈوز کا تعارف Computer Science Notes Introduction to Windows

ونڈوز کا تعارف Computer Science Notes Introduction to Windows

ونڈوز کا تعارف (Introduction to Windows)

سوال نمبر-:1 آپریٹنگ سسٹم سے کیا مراد ہے؟ مختلف اقسام کے آپریٹنگ سسٹم بیان کریں۔
جواب : آپریٹنگ سسٹم خاص قسم کے پروگراموں کا سیٹ ہوتاہے جو کہ کمپیوٹر کے استعمال کو آسان بناتا ہے، کمپیوٹر کی تمام افعال کی نگرانی کرتاہے اور استعمال کنندہ (User) کی ضرورت کو مؤثر بناتاہے۔ مختصر یہ کہ آپریٹنگ سسٹم کمپیوٹر اور یوزر کے درمیان تعلق اور انٹر فیس کانام ہے۔جسے کنٹرول پروگرام کہتے ہیں۔جو کہ تمام وقت کمپیوٹر کی میموری (RAM) میں موجود ہوتا ہے۔اور جیسے ہی کمپیوٹرآن(ON) کیا جاتاہے۔ آپریٹنگ سسٹم لوڈ ہوجا تا ہے اور اپنا کام شروع کرتاہے۔ آپریٹنگ سسٹم مشین تک رسائی کو کنٹرول کرتاہے۔ یہ انٹرنل میموری میں ڈیٹا اور معلومات کا انتطام کرتا ہے۔ اور دوسرے سوفٹ ویئر پروگرام چلانے کیلئے پلیٹ فارم مہیا کرتا ہے۔ آپریٹنگ سسٹم کی اقسام مندرجہ ذیل ہیں :
* سنگل یوزر آپریٹنگ سسٹم * ملٹی یوزر آپریٹنگ سسٹم
-:1 سنگل یوزر آپریٹنگ سسٹم (Single User Operating System) :
ایسا سسٹم جسکو صرف ایک یوزر ایک ہی وقت میں کنٹرول کر سکے سنگل یوزر آپریٹنگ سسٹم کہلاتا ہے۔ یہ سسٹم ذاتی یا مائیکرو کمپیوٹر پر استعمال ہوتاہے۔ اور انفرادی مشینوں پر لگا ہوتا ہے۔چند اہم سنگل یوزر آپریٹنگ سسٹم یہ ہیں:MSDOS ، PCDOS ، OS/2 اور Windows
-:2 ملٹی یوزر آپریٹنگ سسٹم (Single User Operating System) :
یہ سسٹم بڑے کمپیوٹر سسٹم پر کمرشل، سائنٹفیک اور انجینئرنگ ڈیٹا پروسینگ کے لئے استعمال ہوتے ہیں ایک آپریٹنگ سسٹم ملٹی پروگرامنگ ، ملٹی پروسینگ اور تائم شیئرنگ صلاحیتوں کی بناء پر کمپیوٹر سسٹم کی طاقت کو بڑھاتا ہے۔
چند اہم ملٹی یوزر آپریٹنگ سسٹم یہ ہیں :UNIX / ZENIX ، LAN ، WAN ، Windows NT
سوال نمبر-:2 ونڈوز (Windows) کے متعلق آپ کیا جانتے ہیں؟
جواب : مائیکروسافٹ کمپنی نے 1985 ء میں ونڈوز آپریٹنگ سسٹم متعارف کرایا۔ پہلی بار ونڈوز تھری میں ماؤس اور مختلف مینوز پر مشتمل کمانڈز کی سہولت مہیا کی گئی ۔ونڈوز آپریٹنگ سسٹم کمپیوٹر اور یوزر کے درمیان تعلق اور انٹر فیس کا نام ہے۔یہ پوائنٹنگ ڈیوائس مثلاً ماؤس ، گرافک ٹیبلٹس اور لائٹ پین وغیرہکی استعمال کی وجہ سے ٹھیک آسان اور تفریح سے بھر پور کمپیوٹر آپریٹ کرنے کا موحول مہیا کرتا ہے۔ایم ایس ڈاس ایک مکمل کمانڈ انٹر فیس آپریٹنگ سسٹم ہے ۔ اور ونڈوز ایک (Graphical User Interface) GUI آپریٹنگ سسٹم ہے۔مطلب یہ کہ ونڈوز میں یوزر کمانڈ کو گرافکس (تصاویر) کی صورت میں سلیکٹ کرتا ہے۔ اور اس میں ہم مختلف کام سرانجام دے سکتے
ہیں۔ مثلاً ڈیٹا داخل کرنا ، ویڈیو چلانا ، پروگرام ران کرنا ، لکھائی کے سٹائل تبدیل کرنا ، لائنوں کو نمبر لگانا اور سپیلنگ چیک کرنا وغیرہ ۔ یہی وجہ ہے کہ ونڈوز نے یوزر کے کام کو انتہائی آسان بنادیا ہے۔
اس کو ونڈوز اس لئے کہا جاتا ہے۔ کہ یہ ہر کمانڈ یعنی پروگرا م کو ایک علیحدہ ونڈو میں کھولتا ہے۔اور اس میں ہم ایک سے زیادہ پروگراموں کو چلاسکتے ہیں۔ مثلاً ایک طرف ہم ایم ایس ورڈ میں خط یا درخواست وغیرہ لکھ رہے ہے۔اور دوسری طرف ان پیج میں اردو کا کام یا گانا سُن رہے ہے۔جب کہ ڈاس میں ہم صرف ایک کام کر سکتے ہے۔
مائیکرو سافٹ نے 1990 ؁ء سے اب تک ونڈوز کے مختلف ورژن متعار ف کرائے ہیں۔ جس میں ونڈوز 3 ، ونڈوز 95 ، ونڈوز98 ، ونڈوز این ٹی(NT) ، ونڈو می(ME) ، ونڈوز2000 اور ونڈو ز ایکس پی (XP) شامل ہیں۔ونڈوز کے ان تما م ورژن میں سب سے اہم ونڈوز این ٹی ہے۔ جس میں ڈاس (DOS) او ر یونیکس (UNIX) کے استعمال کی بھی سہولت ہے۔اسے زیادہ تر کمپیوٹر نیٹ ورکس کے لئے استعمال کیاجاتا ہے۔اس لئے اسے (Client/Server) آپریٹنگ سسٹم بھی کہا جاتا ہے۔
سوال نمبر-:3 وائرس کیا ہے؟ یہ کیا کرتاہے۔ اس کی کتنی اقسام ہیں۔ نیز اینٹی وائرس پروگرام کا تعارف کرائیں۔
جواب-: وائرس (Virus) -: وائرس سے مراد ایسا پروگرام ہے۔ جو از خود ایک فائل میں ، ایک سب ڈائریکٹری سے دوسرے سب ڈائریکٹری میں اور ایک فاسسٹم سے دوسرے سسٹم میں کاپی ہونے اور خرابی پیدا کرنے کی صلاحیت رکھتا ہے۔وائرس ڈسک پر چھپا رہتا ہے۔ جب آپ ڈسک پر کام کرتے ہیں۔ تو وائرس پروگرام متحرک ہو جاتا ہے۔ اور کمپیوٹر کو متاثر کرنا شروع کر دیتا ہے۔
سب سے پہلا وائرس پروگرا م فریڈ کوہن نے 1983 ؁ء میں لکھاتھا ۔ اور صرف چھ سال کے عرصے میں ہی یعنی 1990 ؁ء تک وائرس خطرناک وبا کی شکل میں پھیل گیا۔
وائرس کیسے پھیلتا ہے۔ اور کیا کرتا ہے؟ -: وائرس زیاد ہ تر فلاپی کے ذریعے ، نیٹ ورک کے ذریعے ، ایک ہارڈ ڈسک کا دوسرے ہارڈڈسک کے ساتھ کمپیوٹر کے ان ہونے پر اور انٹرنیٹ کے ذریعے پھیل کر کمپیوٹر کو متاثر کر سکتا ہے۔ جب وائرس متحرک ہوتاہے۔ تو یہ کئی طرح کی خرابی پیدا کرتا ہے۔ بعض قسم کے وائرس ڈسک کو فارمیٹ کر دیتے ہیں۔ بعض وائرس فائلوں کو خراب کر دیتے ہیں یا ختم کر دیتے ہیں۔ جب کہ بعض وائرس ہارڈ ڈسک کی حصے(Partitions) کو اُڑا دیتے ہیں۔یعنی ختم کر دیتے ہیں۔
وائرس کی اقسام -:(Type of Virus) وائرس کی بہت سی اقسام ہیں مثلاً مائیکرو وائرس ، Devolving وائرس ، بوٹ سیکٹر وائرس ، TSR و Non TSR وائرس ، Companion وائرس ، Overwriting وائرس اور Multipartite وائرس وغیرہ ان میں اہم ترین اور سب سے بڑی وائرس مندرجہ ذیل دو اقسام کے ہیں۔
-:1 فائل وائرس -:(File Infector) یہ عام قسم کا وائرس ہے۔ یہ پروگرام فائلوں کے کوڈ کے ساتھ وائرس کا اضافہ کر دیتاہے۔ اس لئے جب متاثرہ پروگرام چلایا جاتا ہے تو دوسری پروگرام فا ئلیں بھی متاثر ہو جاتی ہیں۔

-:2 بوٹ سیکٹر وائرس -:(Boot-Sector Virus) یہ وائرس ڈسک کے بوٹ سیکٹر سے جڑ جاتا ہے۔ بوٹ سیکٹر ڈسک کا وہ حصہ ہے۔ جس پر ابتدائی ہدایات اورفائلوں کے بارے میں ابتدائی معلومات درج ہوتی ہے۔اس قسم کے وائرس انتہائی خطرناک ہوتے ہیں۔
اینٹی وائرس (Antivirus) پروگرام کیا ہے ؟ -: ایک اینٹی وائرس پروگرام کمپیوٹر پر وائرس کا سراغ لگانے او ر اسے ختم کرنے کے لئے استعمال کرتے ہیں۔مارکیٹ میں مختلف قسم کے اینٹی وائرس پروگرام استعمال کئے جا رہے ہیں مثلاً نورٹران ، پی سی سیلین ، اے وی جی اور مِکیفے وغیرہ۔
آئے دن نت نئے وائرس سامنے آتے رہتے ہیں اس لئے ا ینٹی وائرس بنانے والی کمپنیاں نئے اینٹی وائرس پروگرام بھی اپنے گاہکوں کو مہیا کرتی رہتی ہیں۔

سوال نمبر-:4 ونڈوز میں استعمال ہونے والے کی بورڈشارٹ کٹس اور ان کا استعمال بیان کریں۔
جواب-: ونڈوز میں استعمال ہونے والے کی بورڈشارٹ کٹس (Shortcuts ) اور ان کا استعمال حسبِ ذیل ہیں:
-: F1 (i) ونڈوز یا موجودہ ڈائیلاگ باکس کی Help کے لئے۔
-: F2 (ii) منتحب شدہ آئیکن کا نام تبدیل کرنے کے لئے۔
-: F3 (iii) Find کے لئے یعنی کوئی فائل یا فولڈر تلاش کرنے کے لئے ۔ اس کیلئے ونڈو بٹن F + بھی استعمال کیا جاتا ہے۔
-: F5 (iv) Refresh کے لئے۔
-: F10 (v) کسی پروگرام کے مینو بار کو منتحب کرنے کے لئے۔
-: Alt + Tab (vi) ایک ونڈو سے دوسرے ونڈو میں جانے کے لئے۔
-: Alt + Enter (vii) منتحب شدہ آیئکن کی پراپرٹیز معلوم کرنے کے لئے۔
-: Alt + F4 (viii) بند کرنے کے لئے چاہے وہ کوئی ونڈو ہو یا کوئی ڈائیلاگ باکس
-: Ctrl + C (ix) منتحب شدہ آبجیکٹ کاپی کرنے کیلئے۔
-: Ctrl + X (x) منتحب شدہ آبجیکٹ ختم کر کے کلپ بورڈ میں لے جانے کیلئے۔
-: Ctrl + V (xi) کاپی یا کٹ شدہ آبجیکٹ کو چسپا(Paste) کرنے کیلئے۔
-: Ctrl + A (xii) تمام آبجیکٹ منتخب کرنے کیلئے۔

-: Ctrl + Esc (xiii) سٹارٹ مینو کھولنے کیلئے۔
سوال نمبر-:5 خالی جگہ پُر کریں۔
-:1 GUI مخفف ہے۔ Graphical User Interface ۔ -:2 BIOS مخفف ہے۔ Basic Input Output System.
-:3 MBR مخفف ہے۔Master Boot Record ۔ -:3 FAT مخفف ہے۔ File Alocation Table ۔
-:5 TSR مخفف ہے۔ Terminate-and-Stay-Resident ۔ -:6 Fdisk کمانڈ ہارڈ ڈسک کیPartitions کیلئے استعمال ہوتا ہے
-:7 مائیکروسافٹ کمپنی نے 1985 ء میں ونڈوز آپریٹنگ سسٹم متعارف کرایا۔ -:8 ونڈوز NT ایک ملٹی یوزر آپریٹنگ سسٹم ہے۔
-:9 DOS کا مطلب ہے ڈیسک آپریٹنگ سسٹم۔ -:10 ڈاس ایک کمانڈ بیس آپریٹنگ سسٹم ہے۔
-:11 Start بٹن سٹارٹ مینو کھولنے کے لئے استعمال ہوتا ہے۔ -:12 Shut Down کمانڈ کمپیوٹر کو بند کرنے کے لئے استعمال کرتے ہے
-:13 آپریٹنگ سسٹم کے دو اقسام ہیں سنگل یوزر اور ملٹی یوزر O/S ۔ -:14 سب سے پہلا وائرس پروگرا م فریڈ کوہن نے 1983 ؁ء میں لکھاتھا۔ -:15 اینٹی وائرس پر

وگرام کمپیوٹر پر وائرس کا سراغ لگانے اور اسے ختم کرنے کے لئے استعمال ہوتا ہے۔

Leave a Reply

Your email address will not be published. Required fields are marked *

Education In Pakistan © 2016